Omega Ngole

ZIZZI au ZIZZOU?

2009-04-27T06:09:00.000-07:00

Check wazee wa G5Click

2009-04-21T09:10:00.000-07:00

Nimerudi ulingoni

2009-04-18T14:03:00.000-07:00

Ndugu wanablogu,
Baada ya kimya cha muda mrefu, nimeamua kurudi katika mtandao huu muhimu! Kwa hakika, ni chombo muhimu! Tegemea kupata habari!

Which Monday, Prof. Chachage?

2006-07-13T03:06:00.000-07:00

Last Monday, to be precise July 3, 2006, I phoned Prof. Chachage Seithy Chachage, fondly known as Comrade by fellow comrades. I wanted to make an appointment to meet him, among other things, to see what critical inputs he had over my draft already on his table.

“Kamwene… I’m currently at Kibaha doing some work but I’ll be at the office on Monday… see you then,” he said. We agreed and hang up my cellular phone.

The whole of last week I was busy reviewing a copy of the work I tabled to Comrade Chachage knowing I will meet him on Monday. It didn’t happen.

Yesterday, I woke up in the morning and tried to put everything in order knowing he was a no non-sense academician when it comes to academics. Just few minutes before I left my room, a friend of mine sent sms: “Prof. Chachage is dead”. I rarely joke with this friend. It started to enter my sense but I said NO to myself. It’s not possible. What will happen to my dissertation? Is there anyone who will adequately fill up his position?

I phoned a class mate to cross check. Comrade Chachage and the other Comrade, the late Harry Karokola, my undergraduate news-reporting lecturer, adequately taught me of multiple sourcing to confirm my issues. It was true. He collapsed and died. HE IS NO MORE.

In a span of two hours since I received first sms, over ten phone calls and 20 sms came in. Of all the sms, one was special: VERY Sad news, Comrade Chachage Seithy Chachage is no more.

I later accepted that it was not possible to meet him at his office, Tower block, Mlimani Campus, University of Dar es Salaam. He is no more. It is a big loss in the academic world and in particularly Sociology world, according to Mr. Faustine Rwambali, senior journalist and Bureau Chief with the regional weekly, the East African that Comrade Chachage used to contribute, sometimes.

However, I must admit that he has built a very strong foundation in my academic life.

I first heard of Comrade Chachage over twenty years ago. I didn’t know he would one day be my lecturer. It was from my late father whom they shared a school in Njombe. I was later introduced to him. Since then he had been my ‘father cum lecturer.’

Comrade Chachage was born on January 8, 1955 at Mtwango village in Njombe. He went to school in his home village, Malangali and Mzumbe Secondary Schools before joining University of Dar es Salaam for BA and MA studies in Sociology. He did his PhD (1986)at Glasgow in Scotland. He became Associte Professor in 1995 and full professor in 2003.

The other day in April last year Comrade Chachage recalled their schooldays few minutes before we finished the lecture: “Omega’s father was our dormitory prefect, he once fooled us at night that there was lion outside… we started to run away,’ he recalled.

Comrade Chachage joked with almost everyone. He enjoyed his days. We would seat and talk while enjoying our bottles until good hours but that never compromised his academic rules: “You will get what you deserve, whether it’s A, C or F,” he said repeatedly.

Comrade Chachage was resourceful. He was informed. From sports to bongo flava, from politics to business, from sociology to party joints.
It wasn’t by chance. He read a lot. He watched a lot. He listened to a lot.

One physician at Kilimanjaro Christian Medical Centre (KCMC) who hails from the same Mtwango village in Njombe with the late Professor told a very interesting story that during his schooldays, Comrade Chachage reviewed the bible. Isn’t it astonishing in the academic world? Was he born to be who he was in the academic world? I hope yes. They come and go, such people.

I remember sometimes in March last year one of our class members tried to criticize a work of a renowned Sociologist, Marx Weber in Prof. Chachage’s lecture apparently after reading some very few pages of the Weber’s work. The student mixed up and tried to fumble. Comrade Chachage quickly took over, blaming him and all of us for not reading: “You should never criticize something you have not read,” he said.

This message has always been in my mind when reviewing literature during the course of my dissertation. I hope it will continue in many other who had chance of being educated by Comrade Chachage.

It is safe to say that Comrade Chachage didn’t show up on that Monday. Was I misguided? Which Monday did you mean Prof. Chachage?

I salute you Comrade.
Let your soul rest in peace.

Omega

Ya Boss wa Daily News na THISDAY

2006-04-27T06:13:00.000-07:00

Lazima nianze kwa kukiri kuwa ‘Washington consensus’, au utandawazi pamoja na ‘mikono’ yake kama soko huria vimeleta mabadiliko makubwa duniani kote.

Lazima pia nikiri kuwa mabadiliko hayo yamegusa takribani kila sekta ya jamii, pamoja na sekta ya habari.

Kama ni mfuatiliaji wa vyombo vya habari utagundua kuwa Tanzania suala la maadili ya uandishi wa habari, kwa mapana yake, linakuwa tete kila siku kila saa.

Kwa mujibu wa ‘literature’, wakati Fulani miaka ya 1970, vyombo vya habari viliinga mkono serikali, ‘hysterically’, kama Haji Konde anavyosema, katika kufuta ununuzi na matumizi ya mabasi kwa mashirika ya umma bila kujali athari zake kwa wafanyakazi ambao wengi wao walikuwa wanayategemea. Maada ya wiki chache, agizo lile lilishindwa kufanya kazi na serikali, kupitia kwa Waziri Mkuu, Mzee Kawawa na Waziri wa Uchukuzi, Jacob Lusinde waliamua mashirika ya umma yaendelee na utaratibu wa zamani.

Lakini ni katika kipindi hikihiki cha 1970s ambapo pia tulishuhudia ‘media’ ikiwaweka watu wa kawaida mbele. Tukumbuke Vifo vya Njaa Singida na ‘saga’ la Mwanakwacha.

Leo mambo yanaharibika. Naambiwa mambo tunayoyasikia katika ‘media’ kuhusu rushwa wanazopokea waandishi ni chembe tu ya tatizo lenyewe katika ‘industry’. Wapo wanaosema kuwa inatokana na hali ngumu ya maisha na wapo wanaosema tabia zetu zimebadilika mno kutokana na ‘utandawazi’, tumesahau maadili yetu. Lakini wanaotenda haya wanatoka katika makundi yote, wakubwa, wadogo, wanawake, wanaume, wenye elimu, wasio na elimu etc.

Leo nimesoma habari katika ‘front page’ kuwa ‘seasoned journalist’ anachunguzwa kuhusiana na rushwa. Katika ‘editorial’ ya jana (J’tano, February 26, 2006) ya ‘Daily News’ tunaambiwa wafanyakazi wa IPP Media na Mameneja wameshindwa kufikiri sawasawa kutokana na ushabiki wao. Aliye ‘conclude’ kuwa hawawezi kufikiri ndiye anayejua kama ni kweli au la. Naambiwa ‘stori’ ya boss huyo ilikuwapo siku nyingi, ila iliwekwa kando kwa kuwa ‘ethics’, sio sheria, haziruhusu.

Lakini katikati ya haya yote ni kuteleza kimaadili. Ilitegemewa vyombo vya habari, kama klabu au timu, wawe kitu kimoja katika kukemea. Ilivyo sasa, ni vigumu sana kwa ‘golikipa’ na ‘beki’ kupambana na adui. The ‘fourth estate’ inameguka.

Na kwa muundo na nguvu ya Baraza letu la Habari (MCT), kazi ipo.

Tangu Henry Morton Stanley, repota wa New York Times huyu, aje kumtafuta Dr. Livingstone, hadi leo hii, uandishi wa habari umekuwa na matatizo tofauti. Lakini je, tunaweza kujitatua?

Ushauri: Kabla ya kunipa ‘comments’ zako, tafuta na soma kwa makini “Daily News’ ya jana (J’tano, April 26) na THISDAY ya leo (Alhamisi, April 27) kabla ya kusema lolote. Vilevile pitia vyombo vya IPP, soma kuhusu Deusdedit Rutabingwa na uhamiaji wanavyosema.

naomba comment kuhusu:
1.Nafasi ya maadili ya uandishi wa habari katika hili.
2.Nafasi ya MCT katika kuepusha vita kama hii.
3.Nini kingefanyika ili kuepusha 'upepo' huu.

Kila la kheri.

Trafiki wa Ubungo: Media ilikuwa 'ethical'?

2006-04-25T02:19:00.000-07:00

Sote bado tunakumbukumbu ya yaliyotokea ubungo ambapo 'majambazi' walitoa roho za watu na kupora fedha, Tsh 150 m, mali na NMB.

Majambazi wale walikuwa na silaha nzito, kwa mujibu wa vyombo vya habari.

Vyombo vya habari pia vimemnukuu Rais Kikwete akimwagiza Inspekta Jenerali wa Polisi, Kamanda Mwema kuwapandisha vyeo askari waliopambana na majambazi wale.

Lakini, tangu siku ya tukio lenyewe, trafiki 'shujaa' yule, amekuwa katika vyombo vya habari kwa picha na jina.

Nimekuwa na mjadala mfupi na watu wangu wa karibu kuhusu jinsi vyombo vya habari vilivyo'report' habari ile hasa kuhusu trafiki.

Kuna maswali kadhaa yaliyopamba mjadala wetu na nimeona ni vyema nikushirikishe:
1. Je, waandishi walijiweka katika nafasi ya trafiki yule kabla ya 'kupiga' stori ile?
2. Je, Uadui wa trafiki na 'wabaya wake' kutokana na kazi kubwa aliyofanya haumweki pabaya kiusalama?
3. Je, Kulikuwa na njia nyingine ya 'kupiga' stori ile bila kumuanika 'shujaa' yule?
3. Je, nini maana maadali ya vyombo vya habari? Yanaanzia wapi na yanaishia wapi?

Shiriki kwa kunipa hoja.

Ujambazi: Mh. Kikwete kawahi kumpandisha cheo trafiki?

2006-04-24T07:25:00.000-07:00

Wengi bado tunakumbukumbu ya uporaji wa kinyama pale ubungo mataa.Maisha ya watu yalipotea, achilia mbali majeruhi.

Hivi karibuni Rais Jakaya Kikwete aliwatembelea majeruhi hospitalini na kuagiza wale wote waliohusika na 'unyama' ule wakamatwe. Kazi hiyo inaendelea.

Rais Kikwete pia akaagiza kuwa watakaokamatwa, pamoja na 'watu wa benki' wliohusika, wafungukiwe mashtaka ya mauaji.

Mh. Kikwete pia aliamwagiza Inspekta Jenerali wa Polisi ampandishe cheo Trafiki alipambana na 'majambazi wale'.

Nimekuwa na mjadala mfupi na baadhi ya watu nilio nao karibu:

Maswali yaliyo tanda ni haya:
1. Je, ni mapema mno kwa Mh. Rais kuagiza trafiki yule apandishwe cheo wakati upelelzi bado unaendelea?
2. Je, kutajwa kwa askari yule katika vyomb vya habari kunamweka katika nafasi gani kiusalama?
3. Je, vyombo vya habari 'vimemlinda' kwa kiasi gani trafiki yule dhidi 'wabaya' wale?
Kila la kheri!

Michuzi, Kijana la lumbesa lake bongo!?!

2006-04-11T02:52:00.000-07:00

Michuzi ana mambo!
Mtafute katika blogu, http://issamichuzi.blogspot.com/, angalia picha yenye maneno 'kijana na lumbesa lake bongo'. Tena mbele ya Wizara nyeti....
Haya kaka.

Maadili ya Waandishi ya Habari ni Nini?!

2006-04-11T01:52:00.000-07:00

Wasaalam!
Inawezekana jambo hili likawahusu wanahabari kwa uzito zaidi. Wanahabari kwa maana ya waliofanikiwa kupata elimu rasmi ya taaluma ya habari iwe kwa ngazi ya cheti, stashahada, stashahada ya juu au shahada.

Lakini vilevile inawezekana ikawahusu hata wale tunaowasoma na kuwaona katika vyombo vya habari, ambao kimsingi ni walikwenda shule kwa ajili ya taaluma nyingine.

Ninapata tabu kidogo, hasa katika tafiti yangu ninayofanya sasa kwa ajili shahada ya uzamili. Nini hasa maana ya Maadili ya Vyombo vya Habari?! Ni kale kakitabu kanakotolewa na Baraza la Habari (MCT) au ni zaidi ya hapo kama Dr. Harrison Mwakyembe na Dr. Sengondo Mvungi walivyosema kitambo kidogo? Je, sheria kama ile ya kuzuia rushwa nayo tunaweza kuiita ni sehemu ya maadili ya vyombo vya habari? Tukumbuke kuwa kupokea rushwa ni kinyume cha maadili ya uandishi wa habari.

Je, yale yaliyomo katika kitabu cha MCT yanajitosheleza? MCT ina nguvu kiasi gani kupambana na uvunjaji wa maadili tunayoona, kuyatenda na kuyasikia kila siku katika majukumu yetu?

Marehemu Prof. Kasoma, Mhadhiri huyu kutoka Zambia, ni mtu ninayemheshimu sana katika taaluma hii. Yeye anasema maadili inabidi yawe maadili na sheria ziwe sheria! Kuna hoja anaiweka mezani, Je Uandishi makini unaweza kuwepo sambamba na uandishi hohehahe?! hasa katika kipindi hiki cha utandawazi na soko huria?

Mzee Nkwabi, 'Can good journalism exist simultaneousily with bad journalism?

Asanteni.

Rais Kikwete na Vyombo vya Habari: Kuwa kitu Kimoja hadi mwisho?

2006-03-29T23:26:00.000-08:00

'Kikwete atikisa kanda ya Ziwa,' 'Kikwete atikisa ngome ya CUF,' 'Wapinzani wakiri Jakaya Kiboko,' hivi ni baadhi ya vichwa vya habari vilivyochukua sehemu kubwa ya habari katika magazeti, tovuti na majarida mbalimbali tangu Jakaya Kiwete aamue kuchukua fomu za kugombea urais hadi leo.

Naamini vyombo vya habari vinamuunga mkono kwa sababu, angalau, ameonesha kuthamini kazi ya vyombo vya habari vya Tanzania. Tuachane na miaka kumi iliyopita.

Naamini, vichwa hivi vya habari vinabeba maoni ya wananchi wengi. Swali ninalojiuliza ni kama vyombo vya habari vitakuwa na Kikwete hadi mwisho wake, pale atakapotoka magogoni. Au vitakuwa nae pale wananchi 'watakapolia' au 'kupiga kelele' kutokana na maamuzi mazito ambayo wengi tusingependa kusikia!

Nafahamu fika kuwa uhusiano kati ya vyombo vya habari na dola haujawahi kuwa wa 'mama na mwana' tangu enzi. Umekuwa wa mashaka, na inapotokea unakuwa kama ule wa 'mama na mwana,' kama huu, nasita kusema nini kitafuata pale Jakaya atakapoanza kutekeleza yale maamuzi mazito aliyogusia kule Ngurdoto! Hakuna shaka, kama alivosema yatawaumiza wananchi, na kwamba wanasiasa wajiandae kuangaliwa kwa jicho baya na wananchi kutokana na maamuzi haya.

Nipe mchango wako!

Mwafrika?? Unatumia mtandao...Umebahatika sana!!!!!!

2006-03-27T09:08:00.000-08:00

Bw. Koffi Annan, mwafrika huyu, karudia jambo hivi karibuni. jambo nililopewa na Professa mmoja wa chuo kikuu cha D'Salaam.

Anasema akili zimegawanywa sawaswa kwa kila mtu (Na Mungu). Kwa hiyo, hakuna wa kulalamika. tatizo, tunaziendelezaje? Tunazidiwa kete katika kuziendeleza?

Akatoa takwimu nyingine ambayo nimejaribu kuioanisha na hili ya kupewa akili sawa. Eti chini ya asilimia moja ya waafrika ndio wanaotumia mtandao sasa. yaani wewe ni mmoja wa waafrika hao. (Less than one per cent). Hii kazi.

Maana yake nini? Tumeziendeleza akili zetu? Tumebahatika? bahati mbaya tu? Wale waliobaki vipi? Wamezubaa? Wamezubaishwa?

Kazi ipo?

Ya MCT na Bodi yake!

2006-03-27T08:54:00.000-08:00

Kuna mambo mengi yaliyo nyuma ya pazia hili la unadishi wa habari!
Yapo mengine pia nyuma ya bodi mpya ya MCT chini ya komredi Prof. Shivji.

Kwanza lazima tukubali kuwa sekta ya habari, hata siku moja, haiwezi kusimama peke yake bila kuwa na miingiliano na sekta nyingine. Na hata hizo nyingine nazo pia haziwezi kusimama peke yao bila kuingiliana na nyingine.

Kwa sababu hiyo, kama kuna uozo katika sekta ya habari, na unataka kufanya utafiti, ni vema ukaziangalia sekta nyingine pia. Utagundua kuwa unatakiwa kuangalia jamii nzima. Na ukianza kuingalia jamii nzima, utagundua kuwa sio kila mmoja ni mwanahabari, sio kila mmoja ni mwanasheria, sio kila mmoja ni msomi wa chuo kikuu. Hivyo itabidi, uangalie watu wote, hata wale ambao shule yao ina utata. Kwa sababu, ndio wanaosikiliza redio, kuangalia runinga na kusoma magazeti.

Baraza la habari linaangalia sehemu ndogo sana ya maadili yanayomzunguka mtanzania. Ni yale tu yanayohusu habari, amabyo yana mizizi katika maadili ya jumla ya mtanzania ambaye hajui hata kuandika habari. Yeye anajua kuzipokea tu.

Na ukipokea rushwa, sio tu umekwenda kinyume na maadili ya uandishi wa habari, bali pia umefumja sheria ya nchi, na hata kule kijijini, tuseme Muleba, unakuwa umekosa kwa mujibu wa taratibu za pale. Fikiria Bw. Amani, Muleba kungekuwa na jarida ambalo linachapishwa kwa lugha ya pale! Na hukumu zake zinatoka pale pale, sio MCT.

Kimsingi, maadili ya habari ambayo bodi ya MCT imeundwa kuyasimamia, ni sehemu ndogo sana ya maadili ya mtanzania. Kwa kipimo chochote, mwandishi wa habari wa tanzania, lazima ajue maadili yake kwanza. na hata katika kutoa maamuzi, lazima tusibebwe na kale kakitabu kadogo ka MCT!

Hivi kabla ya 1997 wanahabari Tanzania walikuwa wanaongozwa na nini?! Kama wewe ni mwanahabari, tafuta kitabu cha Hadji Konde, Press Feedom in Tanzania: Soma Mwanakwacha scandal, deaths in Singida, halafu jiulize kama ule ujasiri wa kuwa ethical ulitoka wapi? Tena kwa waandishi wa enzi zile ambapo hutukuwa na MCT. Soma saga la usafiri dar es salaam miaka ya 1975, wakati Balozi job Lusinde, kwa niaba ya serikali, alipositisha kwa muda mashirika ya serikali kununua mabasi kwa ajili ya wafanyakazi. halafu utaniambia umepata funzo gani.

Maadili na maamuzi ya ndani ya MCT lazima yazingatie mambo kadhaa, lakini kubwa ni maadili ya watanzania kwa ujumla wao. Na kwa hili, tunatakiwa kusahau uandishi wetu, uanasheria wetu, na taaluma zetu.

Ile bodi ni chungu chenye mboga yenye viungo mbalimbali.
Kila la kheri nyote!!!!!!

RSM, Dodoma, mtandao wa bunge vipi?!

2006-03-24T07:53:00.000-08:00

Baada ya kupitia blogu ya Reginald Mruko a.k.a RSM, na kukutana na habari ya Dr. Mathayo David, nikaamua kuthibitisha kwa kutembelea mtandao wa bunge letu!

Nikapata nilichopata. Nikaamua kutumia uhuru wangu kumfahamu Mh. Mzee Kingunge Ngombare Mwiru. Nilichokutana nacho: Tafuta muda, msome Mzee Kingunge!

Sijui ni kwa makusudi au bahati mbaya. Nikaachana nae, nikamtafuta Mh. Hawa Ghasia, mama huyu, mheshimiwa, aliyetibiwa Muhimbili. Hivi kumbe waheshimiwa wanaweza kutibiwa pale?!!

Nikaachana nae, nikamtafuta, Mh. Masha, Namzungumzia mbunge wa Nyamagana, sio mwalimu wangu, Dkt. Masha, Mzee wa International Communication. Nikampata, kijana, msomi, aliyekataa kuitwa Dkt., kwani sie. Nikamkumbuka tena Mh. Mathayo!

Nikamtafuta 'Mama' yangu, Mh. Anne Makinda. Nikakumbuka darasa la Jinsia na mambo yanavyobadilika. Nikamumbuka Msimamizi wa tafiti yangu ya Shahada ya Uzamili, Prof. Chachage, aliponikosoa nilipotumia 'he' pale nilipotakiwa kutumia zote 'he' na 'she': Akasema: Gender!

'Mama' yangu Makinda wamsema alikuwa 'Chairman' pale 'IDM' Mzumbe, Kilakala. Nikajipa moyo labda maneno hayana nguvu sana, unaweza kuita vyovyote vile. Cha muhimu kutenda sawa!

Mtafute Mzee Kingunge katika mtandao wa Bunge, halafu, niambie. Hamu yangu ya kutaka kuongeza ufahamu wangu kuhusu Mzee Kingunge inaweza kumalizwa na mwanablogu.

rsmiruko, niulizie hapo makao makuu ya TAMISEMI na USHIRIKA!

Machi, 24: World TB Day! Ina maana gani!

2006-03-11T05:50:00.000-08:00

Kila mwaka ifikapo Machi 24, Dunia huwa inaadhimisha siku ya Kifua Kikuu Duniani, kwa kiingereza World Tuberculosis (TB) Day.

Kwa nini Machi 24 na sio tarehe nyingine! Ilikuwa ni tarehe hii, lakini mwaka 1882, Marehemu Dk.Robert Koch, mjerumani huyu, alipogundua vimelea vinavyosababisha TB. Miaka kadhaa baadae, jamaa wakakaa wakaamua iwe kama ilivyo.

Taarifa zilizopo zinaeleza kuwa mbinu mbalimbali za kimaabara zilishindwa kutambua vimelea vinavyosababisha TB, na hivyo kuufanya ugonjwa huu unaoelezwa unatibika kubaki kuwa tishio. Jamaa "akatutoa".

Leo, dunia inakadiriwa kuwa na watu milioni tisa walioathirika na TB na milioni mbili kati yao wanakufa kila mwaka. Afrika, watu zaidi ya milioni 2.4 wanaugua na takribani 540,000 wanakufa kila mwaka.

Afrika tupo wapi? Leo, zaidi ya karne tangu Mzee mzima Dr. Koch afanye alichofanya, TB bado inatisha, tena vibaya sana katika zama hizi za Ukimwi.

Prof. David Homeli Mwakyusa, Waziri wa Afya na Ustawi wa Jamii wa Tanzania anasema hadmwaka jana (2005) Tanzania ilikuwa na wagonjwa 64,000 wa TB.

Anasema idadi ya wagonjwa imeongezeka kutoka 39,000 mwaka 1995 hadi 64,000 mwaka jana. Upo hapo? Lakini anakumbusha kuwa kabala ya mwaka 1983, idadi ilikuwa inapungua mwaka hadi mwaka.

Kama kawaida, anajifagilia kidogo: "Katika miaka kumi iliyopita zaidi ya wagonjwa 450,000 wamepata matibabu na 360,000 kati yao, wamepona kabisa lakini 45,000 walipoteza maisha pamoja na kupata matibabu.

HIV/AIDS inachangia kwa asilimia 60 kukua kwa ugonjwa wa TB, tukiacha sababu nyingine kama umasikini, na makazi duni.

Jamaa wa Shirika la Afya Duniani (WHO) wamekuja na nguvu mpya. Wameleta kitu kinaitwa "fixed dose combination drugs" (FDCs)", dawa za mseto. Dawa hizi zinadhamia kupamba na TB. Sasa mgonjwa wa TB atatumia dawa kwa miezi sita badala ya nane, vilevile atameza vidonge vinne badala ya 11 kama ilivyokuwa mwanzo.

WHo wanasema itasaidia kumpubguzia mgonjwa mzigo na hivyo kumfanya ameze vidonge kwa "amani" zaidi. Pamoja na FDCs, wamekuja na "Directly Observed Treatment model" mbapo mgonjwa atakuwa chini ya uangalizi wa muuguzi au ndugu katika miezi sita ya matibabu tofauti na hapo awali ambapo mgonjwa aliangaliwa kwa miezi miwili tu ya mwanzo.

Je, siku hii ya Kifua Kikuu Duniani ina maana gani kwetu? Sababu kubwa zinazochangia kuongeza maambukizi ndio "maisha yetu ya kila siku" - makazi duni, umasikini, Ukimwi. Kusini mwa Jangwa la Sahara na Kaskazini mwa Limpopo ni taabu tupu!

Niambie, tutaondokanaje na taabu hizi! Watu "wanaondoka|, wakiondoka maana yake ni kwamba nguvu na uzalishaji unaondoka. Wakati huohuo, maabukizo ya ukimwi, "ndugu" wa TB huyu, anazidi kutumaliza.

Siku hii ina maana gani kwetu. Tutafakari!